ДАНҒАРА. Дар доираи Соли баланд бардоштани масъулияти шаҳрвандӣ. Вохӯрии навбатии кормандони Кумитаи иҷроияи ҲХДТ дар ноҳияи Данғара дар ташкилоти ибтидоии деҳаи “Олучадара”- и ҷамоати деҳоти Пушинг оид ба самтҳои афзалиятноки фаъолияти ҳизбӣ хониши сиёсӣ баргузор гардид.
Дар мулоқот масъалаҳои муҳим, аз ҷумла Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, дар мавриди пешгирии ҷавонон аз шомилшавӣ ба гурӯҳҳои ифротӣ, огоҳонидани сокинон аз паёмадҳои ҳизбу ҳаракатҳои террористиву экстремистӣ баррасӣ гардида, таъкид шуд, ки риояи талаботи қонунҳои миллӣ аз ҳар як шаҳрванди худогоҳу ватандӯст масъулияти баландро тақозо менамояд.
