БОХТАР. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Беморхонаи чашм» хониши сиёсӣ баргузор шуд.
Дар вохӯрии мазкур раиси Кумитаи иҷроияи ҲХДТ дар шаҳри Бохтар иштирок дошта, гуфт ки ҲХДТ зодаи даврони соҳибистиқлолӣ буда, аъзо ва ҷонибдоронаш барои пойдории Истиқлолияти давлатӣ ва Ваҳдати миллӣ нақши асосиро мебозанд. Мо – аъзои ҲХДТ ҳамеша ҷонибдори Истиқлолият ва якпорчагии Тоҷикистони азиз буда, сиёсати пешгирифтаи Раиси муаззами ҲХДТ-ро ҷонибдорӣ мекунем. Фархзандони мо имрӯзҳо бо шарофати соҳибистиқлолии кишвар имконият пайдо карданд, ки дар тамоми мамолики хориҷа таҳсили илм намоянд. Иловатан бояд гуфт, ки солҳои даҳшатбори гузашта бояд барои ҳар як тоҷику тоҷикистонӣ дарси ибрат бошад ва ҳаргиз ин миллату ин сарзаминро мавриди дору гир қарор надиҳанд ва онро ҳамчун фарзандони як модар эҳтиёт намоянд.