ДАНҒАРА. Дар доираи Соли баланд бардоштани масъулияти шаҳрвандӣ. Бо мақсади баррасии самтҳои афзалиятноки фаъолияти ҳизбӣ дар ташкилоти ибтидоии деҳаи “Ғиҷовак” хониши сиёсӣ баргузор гардид.
Каримзода Пирмуҳаммад раиси Кумитаи иҷроия, оид ба риояи талаботи қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” , “Дар бораи масъулияти падару модар дар таълиму тарбияи фарзанд” баромад намуда, иброз дошт, ки қонунҳои мазкур бо тақозои замон анъана ва ҷашну маросимҳоро танзим намуда, ба ҳифзи арзишҳои асилии фарҳанги миллӣ ва эҳтиром ба суннатҳои мардумӣ барои баланд бардоштани сатҳи иҷтимоию иқтисодии ҳаёти шаҳрвандони ҷумҳурӣ, пурзӯр намудани масъулияти падару модар дар таълиму тарбияи фарзанд, аҳамияти муҳим дорад.