Ҷ.БАЛХӢ. Дар доираи Соли баланд бардоштани масъулияти шаҳрвандӣ. Бо ташаббуси Кумитаи иҷроияи ҲХДТ дар ноҳияи Ҷалолиддини Балхӣ оид ба фаҳмонидани самтҳои афзалиятноки фаъолияти ҲХДТ дар ташкилоти ибтидоии ҳизбии “Беморхонаи №4”-и Ҷамоати деҳоти Навобод вохӯрӣ баргузор гардид.
Дар вохӯри масъулини Кумитаи иҷроияи ҳизби ноҳия атрофи рушду тараққиёти Ватан, расидан ба қадри заҳматҳои беназири Роҳбари давлат дар пешрафту ободии меҳан, кушодашавии агрегати НБО Роғун, ва дигар дастовардҳои даврони соҳибистиқлолӣ суханронӣ карда, ҳамагонро ба меҳнати софдилона барои халқу Ватан ҳидоят намуданд.
Дар қисмати амалии Аксияи ҳизбии «Якҷоя ҳал мекунем!» кормандони ташкилоти ибтидои ҳизбии “Беморхонаи №4” ба ҳашари умумӣ баромада, як қатор корҳои ободониро ба сомон расониданд.