Левакант: Дар доираи «Соли баланд бардоштани масъулияти шаҳрвандӣ”. Бо иштироки кормандони Кумитаи иҷроияи ХХДТ дар шаҳри Левакант дар ташкилоти ибтидоии деҳаи Гулистони Ҷамоати деҳоти «Гулистон»-и шаҳр хониши сиёсӣ баргузор гардид.
Масъулин зимни суханронӣ аз дастовардҳои 28-соли соҳибистиқлолӣ ёдоварӣ карда, ба фаъолият оғоз кардани агрегати дуюми нерӯгоҳи барқи обии Роғунро, ки чароғи равшани хонадони мардуми Тоҷикистон ва ояндаи дурахшони Ватани маҳбубамон мебошад ёдовар шуданд.
Зикр гашт, ки дар давоми бисту ҳашт соли истиқлолият бо сарварии Президенти кишвар муҳтарам Эмомалӣ Раҳмон мо бо вуҷуди бисёр мушкилоту монеаҳо таҳкурсии давлати соҳибихтиёрамонро гузоштем ва ба корҳои азими бунёдкориву созандагӣ шурӯъ намудем.
Дар қисмати амалии Аксияи ҳизбии “Якчоя ҳал мекунем!” аҳолии деҳа тариқи ҳашар роҳи байни деҳаи мазкурро сангфарш намуданд.
