Ҷ.Балхӣ: Дар доираи «Соли баланд бардоштани масъулияти шаҳрвандӣ”. Дар ташкилоти ибтидоии ҳизбии «Ҳифзи ичтимоӣ»-и ноҳияи Ҷалолиддини Балхӣ атрофи самтҳои афзалиятноки фаъолияти ҲХДТ хониши сиёсӣ доир карда шуд.
Дар рафти вохӯрӣ масъулони ҳизб дар ноҳияи мазкур атрофи самтҳои афзалиятноки фаъолияти ҲХДТ муфассал суханронӣ намуда, бо шукргузорӣ иброз доштанд, ки дар сартосари кишвари азизамон тантанаҳои ҷашни 28-умин солгарди Истиқлолияти давлатӣ бо дастовардҳои назаррас пешвоз гирифта шуд. Дар рафти баромади хеш аз гуфтаҳои Сарвари давлат, ки зимни таҷлили 28-солагии Истиқлолияти давлатӣ баён доштанд, ёдрас шуданд: «Истиқлолият муқаддастарину азизтарин неъмат, рамзи саодат ва асолати миллат, шарафу номуси ватандорӣ ва нишонаи пойдориву бақои давлат мебошад».
