ДАНҒАРА. Дар доираи Соли баланд бардоштани масъулияти шаҳрвандӣ. Бо мақсади тарғибу ташвиқи ҳадафҳои созандаи ҲХДТ дар ташкилоти ибтидоии “Мактаби варзишӣ” оид ба самтҳои афзалиятноки фаъолияти ҳизбӣ хониши сиёсӣ баргузор гардид.
Вобаста ба баланд бардоштани сатҳи огаҳии мардум дар мавриди хатари терроризму экстремизм бо мақсади пешгирӣ аз ҷалби шаҳрвандон ба ташкилотҳои экстремистиву террористӣ суҳбат ороста шуд. Дар давоми вохӯрӣ қайд гардид, ки терроризму экстремизм дар тамоми соҳаҳои фаъолияти инсон, дин, сиёсат, идеалогия, илм ва ҳатто дар варзиш низ метавонад ба миён ояд.
Зикр шуд, ки барои пешгирии ин зуҳуроти номатлуб мо шаҳрвандони бо нангу номуси Ватан бояд байни ҷомеа корҳои фаҳмондадиҳӣ бурда, пеши роҳи чунин амалҳои нангинро гирем.
