БОХТАР. Дар доираи Соли баланд бардоштани масъулияти шаҳрвандӣ.
Бахшида ба 28-умин солгарди Истиқлолияти давлатӣ дар Кохи Ватани шаҳри Бохтар Конференсияи илмӣ – назариявӣ таҳти унвони “Тоҷикистон ватани соҳибистиқлол” баргузор гардид.
Дар конференсия раиси Кумитаи иҷроияи ҲХДТ дар шаҳри Бохтар, вакили Маҷлиси вакилони шаҳри Бохтар Қосимзода Солеҳа, устодони Донишгоҳи давлатии шаҳри Бохтар дар назди ҷавонон баромад карданд. Дар баромади онҳо аз ҷумла зикр гашт, ки ҷавонони кишвар маҳз бо шарофати соҳибистиқлолӣ имконияти фаррохи дар тамоми мамолики хориҷа таҳсили илм намуданро пайдо карданд.
Ҳамчунин дар ин баробар зикр шуд, ки тинҷиву осоиштагӣ ва соҳибдавлатӣ беҳтарин неъматаст, аз ин бояд шукргузорӣ кунем. Ҳодисаҳои даҳшатбори солҳои аввали соҳибистиқлолӣ барои ҳар як тоҷику тоҷикистонӣ бояд дарси ибрат бошад. Ваҳдати комили Ватани азизро чун гаҳвараки чашм бояд ҳифз намоем.
