Ҷ.БАЛХӢ. Дар доираи “Соли баланд бардоштани масъулияти шаҳрвандӣ”. Терроризму экстремизм зуҳуроти хавфноки ҷомеъа буда, ба тинҷиву оромии ҷомеаи ҷаҳон, истиқлолияти давлатӣ ва ба фарҳангу тамаддуни ҳар давлату миллат таҳдиди ҷиддӣ мекунанд.
Ҷиҳати ба дарки аъзо ва ҷонибдорони ҲХДТ расонидани моҳияи ин мавзуъ масъулини Кумитаи иҷроияи ҲХДТ дар ноҳияи Ҷалолиддини Балхӣ дар ташкилоти ибтидоии ҳизбии “Хоҷагии Сафар Ҷумаев” хониши сиёсӣ баргузор намуданд.
Масъулон вобаста ба мафҳумҳои экстремизм ва терроризм, ки ин ҳар ду ба ҳам пайванд мебошанд сухан гуфтанд. Аз ҷумла зикр шуд, ки экстремизм (тундравӣ, аз андоза гузаштан) ба терроризм меорад. Истилоҳи «терроризм» (аз калимаи лотинии «tеrrоr») маншаъ гирифта, маъноаш «тарс ва ваҳм» аст. Террористон мехоҳанд, мақсаду мароми худро бо роҳи зўроварӣ, куштор, тарсу ваҳм амалӣ созанд.
