Ҷ.БАЛХӢ. Дар доираи “Соли баланд бардоштани масъулияти шаҳрвандӣ”. Оид ба самтҳои афзалиятноки фаъолияти ҳизбӣ дар ташкилоти ибтидоии «Хоҷагии Ниёзмаҳмад Бегов»-и ноҳияи Ҷалолиддини Балхӣ бо иштироки масъулини Кумитаи иҷроияи ҲХДТ дар ноҳияи мазкур хониши сиёсӣ баргузор гардид.
Дар вохӯрӣ масъулин дар мавзӯи «Истиқлолият - неъмати бебаҳо!» маърӯза намуданд.
Аз ҷумла таъкид шуд: “Истиқлолияти давлатӣ, ки дар охири асри ХХ ба даст омадааст, беҳтарин дастоварди миллати тоҷик ба шумор меравад. Имрӯз бо ҷаҳду талошҳои фарзонафарзандони миллат ин неъмати худододӣ дар кишвар ҳукмфармо буда, вазифаи муқаддаси ҳар тоҷику тоҷикистонист, ки Истиқлолияти давлатӣ ва дастовардҳои онро ҳифз намуда, поку беолоиш ба насли оянда мерос гузорад.”
