ПАНҶ. Дар доираи “Соли баланд бардоштани масъулияти шаҳрвандӣ”. ҲХДТ варзишро яке аз омилҳои муҳими солимии ҷомеа ва муаррифгари миллату давлат дар арсаи ҷаҳонӣ шуморида, дар тарбияи варзишгарони касбӣ ва ташаккули оммавияти варзиш мусоидат менамояд. Вобаста ба ин вохўрии навбатии масъулони Кумитаи иҷроияи ХХДТ дар ноҳияи Панҷ бо омўзгорон ва дастпарварони мактаби варзишии ба номи Мавзуна Чориеваи ноҳия роҳандозӣ гардид.
Нахуст, Файзизода Каримҷон оид ба фаъолгардонии ҷавонону наврасон дар ин самт ибрози андеша намуда, қайд кард, ки тайёр намудани варзишгарони касбӣ вазифаи аввалиндараҷаи устодони мактаби варзишӣ буда, бо ин васила варзишгарони мо на танҳо дар дохили кишвар, балки дар арсаи байналмилалӣ низ парчамбардори Ватани маҳбуб мегарданд.
Дар идома оиди роҳандозии Аксияи тарғиботӣ-амалии «Якҷоя ҳал мекунем!» андешаронӣ карда, аз тарафи раиси ташкилоти ибтидоӣ Ҳакимов Ҳасан ба литсейи давлатии ноҳия китобҳои дарсӣ ба маблағи 400 сомонӣ харидорӣ шуда, ба хонандагон супорида шуд.
