ҲАМАДОНӢ. Ба истиқболи сазовори ҷашни 30- солагии Истиқлолияти давлатӣ. Дар ташкилоти ибтидоии ҳизбии “Файзобод” бо иштироки кормандони масъули Кумитаи иҷроияи ҲХДТ дар ноҳияи Мир Сайид Алии Ҳамадонӣ хониши сиёсӣ ва Аксияи ҳизбии «Якҷоя ҳал мекунем!» баргузор гардид.
Раиси Кумитаи иҷроияи ҲХДТ дар ноҳия Д. Ғаффорзода қайд намуд, ки солҳои 2019-2021 «Солҳои рушди деҳот, сайёҳи ва ҳунарҳои мардуми» эълон гардидааст. Мақсади асоси аз ин пешниҳод амалигардонии талошҳои Ҳукумати Ҷумҳурии Тоҷикистон ба хотири ҳалли масъалаҳои иҷтимои бо роҳи беҳтар кардани инфрасохтори деҳот аст.
Бо ибтикори Кумитаи иҷроияи ҲХДТ дар ноҳияи Мир Сайид Алии Ҳамадонӣ ба муассисаи таҳсилоти миёнаи умумии №52-и ноҳия барои таъмир масолеҳи сохтмонӣ дастрас гардонида шуд.
