ШАҲРИТУЗ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Хушодӣ”-и Ҷамоати деҳоти ба номи Ҷӯра Назарови ноҳияи Шаҳритуз бо иштироки сокинон хониши сиёсӣ баргузор гардид.
Масъулини ҳизбӣ дар мулоқот дар бораи самтҳои афзалиятноки фаъолияти ҲХДТ, татбиқи қисмати амалии Аксияи ҳизбии «Якҷоя ҳал мекунем!», пешгирии ҷавонон аз шомилшавӣ ба ҳизбу ҳаракатҳои ифротӣ, омодагӣ ба пешвози ҷашни 30- солагии Истиқлолияти давлатӣ андешаронӣ карда, иштирокдоронро барои расидан ба қадри сулҳу суботи кишвар, ҳифзи муқаддасоти миллӣ ва саҳм гузоштан дар корҳои ободонии маҳали зист раҳнамоӣ намуданд.
Бо мусоидати раиси маҳаллаи Хушодӣ Саидов Мелиқузӣ баҳри обод намудани муассисаи таҳсилоти миёнаи умумии № 24 дар партави Аксияи ҳизбӣ масолеҳи сохтмонӣ кӯмак расонида шуд.
