Ш.ШОҲИН. Дар доираи Соли баланд бардоштани масъулияти шаҳрвандӣ. Бо иштироки раиси Кумитаи иҷроияи ҲХДТ дар ноҳияи Шамсиддин Шоҳин Назарзода Толибҷон дар ташкилоти ибтидоии «Яхчипун»-и Ҷамоати деҳоти ба номи Нуриддин Маҳмудов хониши сиёсӣ гузаронида шуд.
Дар ин вохӯри мавсуф дар бораи самтҳои афзалиятноки фаъолияти ҲХДТ, сафарҳои кории Пешвои миллат муҳтарам Эмомалӣ Раҳмон ба ноҳияҳои Балҷувону Ховалинги вилояти Хатлон, сиёсати дохилию хориҷии кишвар ва нуктаҳои муҳими Паёми навбатӣ суханронӣ карда, мардумро барои расидан ба қадри пешрафту шукуфоии Ватан, саҳм гузоштан дар созандагиву бунёдкорӣ даъват намуд.
Қайд гардид, ки обод кардани Меҳан аз хонаи худамон шуруъ мешавад, ба ин хотир биёед баҳри ободии маҳали хеш, тарбияи дурусти фаразандон ва ру ба сарфакориву сариштакорӣ овардан талош варзем, то ояндаи дурахшони худро таъмин намоем.
