ХУРОСОН. Ба истиқболи сазовори ҷашни 30-солагии Истиқлолияти давлатӣ. Бо иштироки намояндагони Кумитаи иҷроияи ҲХДТ дар ноҳияи Хуросон дар ташкилоти ибтидоии «Роҳсоз» вобаста ба самтҳои афзалиятноки фаъолияти ҲХДТ ва татбиқи қисмати амалии Аксияи ҳизбӣ таҳти унвони «Якҷоя ҳал мекунем!» вохӯрӣ баргузор гардид.
Ҳамоиш фарогири масъалаҳои ҳаётан муҳим буда, масъулин атрофи дастуру супоришҳои мақомоти болоии ҲХДТ, хизматҳои беназири Пешвои миллат муҳтарам Эмомалӣ Раҳмон нисбат ба рушду тараққиёти Ватан ва самтҳои афзалиятноки фаъолияти ҲХДТ фикру мулоҳизаронӣ карда, аз ҳамагон бо амалҳои созанда барои расидан ба қадри сулҳу оромии сарзамини аҷдодӣ, зиндагии шоиста даъват ба амал оварданд.
Сипас, бо дастгирии фаъолон, аъзо ва ҷонибдорони ҲХДТ Аксияи ҳизбӣ баргузор карда шуда, роҳи назди ташкилоти мазкур ба масофаи 1 км сангфарш карда шуд.
