ПАНҶ. Дар доираи “Соли балан бардоштани масъулияти шаҳрвандӣ”. Дар толори маҷлисгоҳи Шабакаи барқи ноҳия бо ташаббуси Кумитаи иҷроияи ҲХДТ дар ноҳияи Панҷ бо аъзоёни ташкилоти ибтидоии ҳизбии “Шабакаҳои барқ” мулоқот анҷом дода шуд.
Масъулони ҳизби ноҳия оид ба самтҳои афзалиятноки фаъолияти ҲХДТ андешаронӣ намуда, аз ҷумла дар масъалаи мубориза зидди коррупсия дар ҷомеа андешаронӣ намуда, иброз доштанд, ки дар ин мавзуъ пеш аз ҳама ба ду масъала диққати аввалиндараҷа зоҳир намудан лозим аст. Аввалан мубориза бар зидди амалҳои мавҷудаи коррупсионӣ ва дигаре ба вуҷуд овардани ҳисси мафкураи зиддикоррупсионии аҳолӣ.
Дар охири чорабинӣ, фаъолони ҳизб дар доираи Аксияи ҳизбии “Якҷоя ҳал мекунем” ба як оилаи ниёзманди маҳал кўмаки моддӣ расониданд.