КӮЛОБ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Маркази ташаккули тарзи ҳаёти солим»-и шаҳри Кӯлоб бо аъзо ва ҷонибдорони ҲХДТ вобаста ба самтҳои афзалиятноки фаъолияти ҲХДТ хониши сиёсӣ баргузор гардид.
Мунаввараи Бозоралӣ изҳор дошт, ки сиёсати пешгирифтаи Пешвои муаззами миллат муҳтарам Эмомалӣ Раҳмон имрӯз мардуми моро барои корҳои созандагию бунёдкорӣ иттифоқиву сарҷамъӣ ва инчунин, расидан ба ҳадафҳои бузурги стратегӣ роҳнамоӣ мекунад. Дар ин росто аҳли ҷомеа ва кормандони соҳаҳои мухталиф муваззафанд, ки барои оромии Ватани азизамон ва пойдори сулҳу субот, инчунин, сазовор пешвоз гирифтани ҷашнҳои бузурги дар пешистода, аз ҷумла 30-солагии Истиқлолияти давлатииӣ саҳми арзандаи худро гузорем.
