Ҷ.БАЛХӢ. Дар доираи “Соли баланд бардоштани масъулияти шаҳрвандӣ”. Дар ташкилоти ибтидоии ҳизбии “Идораи Суғурта”-и ноҳия бо иштироки кормандони масъули Кумитаи иҷроияи ҲХДТ дар ноҳияи Ҷалолиддини Балхӣ хониши сиёсӣ ва қисмати амалии Аксияи ҳизбӣ таҳти унвони “Якҷоя ҳал мекунем!” баргузор гардид.
Мақсади асосӣ аз вохӯрӣ амалигардонии сиёсати хирадмандонаи Президенти мамлакат ба хотири бозҳам обод кардани Тоҷикистон ва ҳалли масъалаҳои иҷтимоии аҳолӣ бо роҳи беҳтар намудани инфрасохтори деҳот, пеш аз ҳама дар соҳаҳои маорифу тандурустӣ, таъсиси ҷойҳои корӣ, таъмини деҳот бо оби босифати ошомиданӣ, бунёду таҷдиди роҳҳои маҳаллӣ, рушди инфрасохтори сайёҳӣ ва инкишофи ҳунарҳои мардумӣ мебошад.
Маврид ба зикр аст, ки дар доираи Аксияи ҳизбии “Якҷоя ҳал мекунем!” аз тарафи ташкилоти ибтидоӣ ба МТМУ №10-и ноҳия масолеҳи сохтмонӣ дастрас карда шуд.