Ҷ.БАЛХӢ. Дар доираи “Соли баланд бардоштани масъулияти шаҳрвандӣ”. Бо иштироки муовини раиси Кумитаи иҷроияи ҲХДТ дар ноҳияи Ҷалолиддини Балхӣ Содиқова Меҳрубону дар ташкилоти ибтидоии «Кишоварзӣ, Пилла, Омор»-и ноҳия оид ба самтҳои афзалиятноки фаъолияти ҲХДТ вохӯрӣ доир гардид.
Дар вохӯрӣ аз ҷониби мавсуф зикр гардид, ки таҳкими андешаи миллӣ, густариши худогоҳиву худшиносӣ ва ватандӯстиву ватанпарастӣ низ яке аз аслҳои оинномавии ҳизби мо мебошад ва Ватанро дӯст доштан, аз он ифтихор кардан, барои ҳимояи марзу буми он омода будан, расидан ба қадри истиқлолият, ваҳдати миллӣ ва сулҳу амният аз ҷумлаи арзишҳои олии инсонӣ мебошанд, ки танҳо ба воситаи онҳо мо метавонем аркони давлатдории худро устувор намоем.
