ҶАЙҲУН. Дар доираи “Соли баланд бардоштани масъулияти шаҳрвандӣ”. Дар ташкилоти ибтидоии ҳизбии «Хоҷагии манзилию комуналӣ»-и ноҳияи Ҷайҳун чорабинии фаҳмондадиҳии ҳизбӣ дар мавзуи «ҲХДТ - ҳизби созандаю бунёдкор» доир гардид.
Дар рафти чорабинии доиргардида раиси Кумитаи иҷроияи ноҳиявии ҳизб Тағоймурод Ҳасанзода иштирок карда, қайд намуд, ки: -Ба ҳамагон маълум аст, ки дар кишвари мо якчанд ҳизбҳои сиёсӣ фаъолият менамояд ва дар байни мардуми Тоҷикистони азизи мо, мавқеъ ва нуфузи Ҳизби Халқии Демократии Тоҷикистон бо сарварии Раиси муаззами он, Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон хеле баланд ва хоса мебошад. Зеро мақсаду мароми ҲХДТ бо дархосту манфиатҳои мардум ҳамоҳанг буда, дар тадбиқи барномаҳои созандаи худ ҳамеша ба нерўи зеҳнии халқ такя менамояд.
