ХУРОСОН. Дар доираи Соли баланд бардоштани масъулияти шаҳрвандӣ. Дар доираи ҷадвали баргузории хонишҳои сиёсӣ оид ба татбиқи амалии Аксияи ҳизбӣ таҳти унвони «Якҷоя ҳал мекунем!» ва самтҳои афзалиятноки фаъолияти ҲХДТ бо иштироки кормандони масъули Кумитаи иҷроияи ҲХДТ дар ноҳияи Хуросон дар ташкилоти ибтидоии ҳизбии «Беморхона» вохӯрӣ баргузор гардид.
Масъулин атрофи дастуру супоришҳои мақомоти болоии ҲХДТ, аз ҷумла баланд бардоштани маърифат ва масъулияти шаҳрвандон бо мақсади пешгирӣ аз бемориҳои сироятӣ иброз ақида карда, зикр намуданд, ки дар баробари дигар омилҳои хатарзо ба генафонди миллат паҳншавии бемориҳои сирояткунанда, махсусан бемориҳои АИЧ/СПИД ва Гепотити С бисёр ташвишоваранд.
Инчунин, дар идома дигар самтҳои беруниву хориҷии сиёсати давлату ҳукумат ва ҳадафҳои созандаи ҲХДТ мавриди баррасӣ қарор дода шуда, аз кормандони соҳа даъват ба амал оварда шуд, ки дар таъмини солимии ҷомеа масъулияти бештар зоҳир намоянд.
