ДАНҒАРА. Кумитаи иҷроияи ҲХДТ дар ноҳияи Данғара бо мақсади баргузории суҳбату вохӯрӣ атрофи самтҳои афзалиятноки фаъолияти ҳизбӣ дар ташкилоти ибтидоии кӯчаи “И. Шарифов”-и ҷамоати шаҳраки Данғара хониши сиёсӣ баргузор намуд.
Зимни баромад масъулин амалигардии ҳадафҳои созандаи ҳизб, моҳияти эълон гардидани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ”, рафти корҳои ободониву созандагӣ ва зебогардонӣ дар кӯча, деҳаву маҳаллаҳо дар доираи Аксияи ҳизбии “Якҷоя ҳал мекунем!” бахшида ба истиқболи сатҳи баланди ҷашни 30-солагии Истиқлолияти давлатӣ, эҳё ва рушди ҳунарҳои мардумӣ, пешгирии гароиши ҷавонон ба ҳизбу ҳаракатҳои ифротӣ ва тундгаро, ташаббусҳои созанда ва сатҳи байналмилалии Тоҷикистон дар масоили об, ифротгароӣ ва терроризми байналмилалӣ, коррупсия, гармшавии иқлим ва экология, дастовардҳои ҷавонону варзишгарон дар озмун ва мусобиқаҳои байналмилалӣ, мақоми зан дар ҷомеа, баланд гардидани мақоми байналмилалии Ҷумҳурии Тоҷикистон дар ҷаҳон суханронӣ намуда, ҳамагонро барои саҳм гузоштан дар корҳои созандагӣ ҳидоят намуданд.
