БОХТАР. Дар доираи Соли баланд бардоштани масъулияти шаҳрвандӣ. Тибқи ҷадвали Кумитаи иҷроияи ҲХДТ дар шаҳри Бохтар дар ташкилоти ибтидоии «Меҳровар» хониши сиёсӣ доир карда шуд.
Дар вохӯрии мазкур намояндагони ҳизбӣ иштирок дошта, зимни баромади худ масъулин доир ба самтҳои афзалиятноки фаъолияти ҲХДТ, нишододҳои Паёми навбатии Пешвои миллат, тарзи дуруст истифода бурдани технологияи муосир, махсусан аз шабакаҳои иҷтимоӣ, пешгирии ҷавонон аз пайвастан ба ҳизбу ҳаракатҳои террористиву экстремистӣ, баланд бардоштани масъулияти шаҳрвандӣ, пос доштани арзишҳои миллӣ, таъмин намудани муассисаҳои таълимии шаҳр бо либоси ягонаи мактабӣ ва дар доираи Аксияи ҳизбӣ бештар ба роҳ мондани корҳои азнавсозию таъмири муассисаҳои таълимӣбо ҷалби шахсони ватандӯсту хайрхоҳ андешаронӣ карданд.
Инчунин, дар ин раванд қабули Қонуни миллӣ “Дпар бораи танзими анъана ва ҷашну маросим дар Ҷумҳурии Тоҷикистон” мавриди баррасӣ дода шуда, зикр карда шуд, ки қонуни мазкур барои мардуми тоҷик хеле сабукиҳо овард. Дар маркази қонунҳои мазкур ҳифзи фарҳангу маънавиёти ҷомеа қарор дошта, пурра дар амал татбиқ намудани ин қонунҳо аз ҳар як шаҳрванди бонангу номус вобастагии қавӣ дорад.
