Ш.ШОҲИН. Дар доираи Соли баланд бардоштани масъулияти шаҳрвандӣ. Намояндагони Кумитаи ичроияи ҲХДТ дар ноҳияи Шамсиддин Шоҳин дар ташкилоти ибтидоии деҳаи «Шоҳристон»-и Ҷамоати деҳоти Даштиҷум хониши сиёсӣ гузарониданд.
Дар вохӯрӣ масъулин дар бораи самтҳои асосии Паёми имсола, дастуру супоришҳои мақомотиболоии ҲХДТ ва самтҳои афзалиятноки фаъолияти ҲХДТ суханронӣ намуда, мардуми деҳаро, бахусус ҷавононро ба ҳушёрию зиракии сиёсӣ ва дурӣ ҷӯстан аз хатарҳои муосир ва ҳар гуна гурӯҳҳои ифротӣ ҳушдор намуданд.
Сипас, байни иштирокчиён ва кормандони масъули ҳизбї оид ба самтҳои гуногуни равандҳои дохилию берунии сиёсї суҳбату гуфтугузорҳои судманд сурат гирифт.
