ФАРХОР. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Молия» бо иштироки раиси Кумитаи иҷроияи ҲХДТ дар ноҳияи Фархор Алиҷон Назаров хонишҳои сиёсӣ ва қисмати амалии Аксияи ҳизбии «Якҷоя ҳал мекунем!» баргузор гашт.
Мавсуф зимни суханронӣ оид ба дастуру супоришҳои мақомоти болоии ҲХДТ, аз ҷумла самтҳои афзалиятноки фаъолияти ҲХДТ андешаронӣ намуд.
Мулоқоти доиргардида ба ҳамагон писанд омада, нисбат ба масъалаҳои рӯзмарра суолу посухҳои мушаххас байни масъулини ҳизбӣ ва иштирокдорон ба вуқӯъ пайваста, миннатдории хешро баён намуданд. Боиси зикр аст, ки дар партави Аксияи ҳизбии “Якҷоя ҳал мекунем!” як синфхонаи МТМУ №3 таъмираш оғоз ёфта, то оғози соли нави таҳсил ба истифода дода мешавад.
