ВАХШ. Дар доираи Соли баланд бардоштани масъулияти шаҳрвандӣ. Дирӯз дар ташкилоти ибтидоии «Бахши фарҳанги»-и ноҳияи Вахш оид ба самтҳои афзалиятноки фаъолияти ҲХДТ дар мавзӯъи «Ташаккули фарҳанги техникии мардум ба хотири истифодаи дуруст аз технологияи муосир ва шабакаҳои иҷтимоӣ бо мақсади пешгирӣ аз хатарҳои марбут ба истифодаи нодурусти онҳо» хониши сиёсӣ доир гардид.
Дар маҷлис масъулин қайд карданд, ки дар шароити муосир масъалаи шакли истифодаи шабакаҳои иҷтимоӣ ва дар маҷмӯъ технологияи навин ба яке аз масъалаҳои доғи рӯз табдил ёфтааст. Зеро василаҳои техникии муосир дар баробари фоидаи рӯзафзун ва осон гардонидани робитаи байниҳамдигарии инсонҳо, ҳамзамон ба манбаи сохтакориву аввомфиребӣ ва тафриқаангезиву воситаи паҳншавии ақидаҳои иртиҷоӣ табдил ёфтааст.
Дар охир аз иштирокдорон даъват карда шуд, ки барои истиқболи сазовори ҷашни муқаддасу миллиамон 30-солагии Истиқлолияти давлатӣ биёед, сарҷамъона дар корҳои ободониву созандагӣ иштирок намоем.
