Н.ХУСРАВ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Идораи кишоварзӣ»-и ноҳияи Носири Хусрав оид ба самтҳои афзалиятноки фаъолияти ҲХДТ хониши сиёсӣ баргузор гардид.
Масъулини Кумитаи иҷроияи ноҳиявии ҳизб бо мақсади таъмини пешрафти соҳаи кишоварзӣ ва ҳифзи аманияти озуқаворӣ барои расидан ба мақсади гузоштаи Пешвои миллат муҳтарам Эмомалӣ Раҳмон дар Паёми имсола қайд намуданд, ки аз ҳисоби самаранок истифода бурдани замин, ба гардиши кишоварзӣ ворид намудани заминҳои бекорхобида, азхудкунии заминҳои нав, ба таъсиси ҷойҳои нави корӣ ва афзун гардонидани иқтидори содиротии кишвар таъсири бевосита мерасонад.
Идораи кишоварзии ноҳия дар якҷоягӣ бо Кумитаи заминсозии ноҳия ба азхудкунии заминҳои навро вусъат бахшида, майдони заминҳои аз гардиши кишоварзӣ беруншударо барқарор ва ҷиҳати талаботи мардумро бо маҳсулоти ғизоӣ таъмин намудан чораҳои амалӣ меандешанд.
Дар доираи аксияи ҳизбии «Якҷоя ҳал мекунем!» ташкилоти ибтидоии мазкур иқдом гирифт, ки ба муассисаи таҳсилоти миёнаи умумии № 11 барои таъмири 2 синфхона масолеҳи сохтмонӣ кӯмак намоянд.
