ДАНҒАРА. Дар доираи Соли баландбардоштани масъулияти шаҳрвандӣ. Дар доираи иқдоми навбатӣ Кумитаи иҷроияи ҲХДТ дар ноҳияи Данғара бо мақсади расонидани муҳтавои барномаи ҳизбӣ ва самтҳои афзалиятноки фаъолияти ҲХДТ дар ташкилоти ибтидоии “Тоҷиксодиротбонк ” хониши сиёсӣ баргузор гардид.
Намояндагони ҳизбӣ дар ҳамоиш атрофи мавзӯъҳои ҳаётан муҳим-пешгирӣ ва решакан намудани амалҳои хусусияти коррупсионидошта, тафаккури ифротгароии динӣ ва хатари он барои идеологияи миллӣ, ошкор кардани ҷиноятҳои нобахшидании наҳзатиён бар зидди давлату миллат, риояи талаботи қонунҳои миллӣ, расидан ба қадри Истиқлолият ҳамчун омили озодӣ васуботи сиёсӣ ва баланд бардоштани сифати хизматрасониҳо ва муносибати босалоҳияту касбӣ бо мизоҷон суханронӣ намуда, аз ҳамагон ҷиҳати саҳм гузоштан дар иҷрои дастуру ҳидоятҳои Пешвои миллат даъват ба амал оварданд.
