Ноҳияи Бохтар

Printer-friendly versionSend by email

Дар  ҷамоати  деҳоти  Меҳнатободи  ноҳияи  Бохтар  бо  ибтикори   Вазорати  меҳнат,  муҳоҷират  ва  шуғли  аҳолии Ҷумҳурии  Тоҷикистон,  Агентии  меҳнат  ва  шуғли  аҳолии  вилояти  Хатлон  ва  ноҳияи  Бохтар,  Кумитаи  иҷроияи  ҲХДТ  дар  ноҳияи  Бохтар  бо  қишрҳои  гуногуни  ҷомеа  вохӯрӣ  баргузор  гардид,  ки  дар  он  зиёда  аз  400  нафар  иштирок  намуданд. 

Зимни  вохӯрӣ  Дилшод Самадов     корманди  Хадамоти  Вазорати  меҳнат,  муҳоҷират  ва  шуғли  аҳолии  Ҷумҳурии  Тоҷикистон,  Моҳира  Файзуллоева  ёвари  Барнома  дар  Созмони  байналмилалии  муҳоҷират,  Моҳинисо  Шоназарова роҳбари  ташкилоти   ҷамъиятии  «Ахтари  бахт»,  Наврӯззода  Аслбӣ  сардори  Раёсати  агентии  меҳнат  ва  шуғли  аҳолӣ  дар  вилояти  Хатлон,  Мунаввара  Сатторова  раиси  Кумитаи иҷроияи   ҲХДТ  дар  ноҳияи  Бохтар  ва  А. Абдуллоев  сардори Агентии  меҳнат  ва  шуғли  аҳолии  ноҳияи  Бохтар   оид  ба  масоили  дар  робита  ба  тасмими  мақомоти  Федератсияи  Россия  дар  бораи  сабук  намудани  муқаррароти  будубоши  муҳоҷирон,  авф  кардани  бахше  аз  муҷозоти   маъмурии  онҳо  дар  қаламрави  Россия,  қоидаҳои  нави  будубоши  муҳоҷирони   корӣ  дар  ҳудуди  Россия   ва  барои  дубора  баргаштани  муҳоҷирони  ихроҷшуда (депортшуда)   корҳои  фаҳмондадиҳиро  роҳандозӣ  намуданд.

Баромадкунандагон  қайд  намуданд,  ки  Президенти  кишвар  муҳтарам  Эмомалӣ  Раҳмон   моҳи  феврали  соли  2017,  зимни  вохӯрӣ  бо  Президенти  Россия  Владимир  Путин  масъалаи  расмикунонии  будубоши  муҳоҷирони  меҳнатиро  арзёбӣ  намуданд,  ки он  аз  санаи  25  март  то  24  апрели  соли  2017  мавриди  амал  қарор  мегирад.  Тибқи  қарори  Вазорати  корҳои  дохилии  Россия  дар  муҳлати  1  моҳ  аз санаи  25  март  то  24  апрели  соли  2017  дар  тамоми  қаламрави  ин  кишвар  барои  шаҳрвандони  Тоҷикистон  ҷиҳати  расмикунонии  иқомат  тавассути  бақайдгузорӣ  дар  мақомоти  муҳоҷират  ва  тамдиди  муҳлати  будубош  имконият  дода  мешавад.  Дар  ин  муддат  шаҳрвандони  кишвари  мо  барои  вайрон  кардани  қоидаҳои  будубош  ва  фаъолияти  меҳнатии  қаблӣ  ба  ҷавобгарии  маъмурӣ  кашида  намешавад.  Инчунин  шахсоне,  ки  дар  ҳудуди  Россия  муҳлати  будубошашон  гузаштааст,  метавонанд  ба  шуъбаҳои  мақомоти  муҳоҷирати  Россия  муроҷиат  намоянд  ва  ба  онҳо  барои  қонунӣ  гардонидани  будубош  корти  муҳоҷиратии  нав,  бо  нишон  додани  мақсади  вуруд  ва  қайди  муҳоҷиратӣ  ба  муҳлати  90  рӯз  дода  мешавад  ва  онҳо  имкон  доранд,  ки  дар  ин  муҳлат  будубоши  худро  расмӣ  гардонанд .

Ҳамзамон,  ба  муҳоҷирони  ихроҷшуда  оид  ба  курсҳои  омӯзишӣ  аз  рӯи  ихтисосҳои  гуногун  дар  Агентии  меҳнат  ва  шуғли  аҳолӣ  ва  филиалҳои  дар  вилояти  Хатлон  будаи  муассисаи  давлатии «Маркази таълими калонсолони Тоҷикистон»  маълумотҳо дода шуда, буклетҳо ба иштирокчиёни чорабинӣ дастрас карда шуданд.Инчунин

ба шахсони корҷӯй 127 ҷои кории холӣ дар ҳудуди ноҳия дар соҳаҳои тандурустӣ, фарҳанг, маориф ва дар хориҷи кишвар низ пешниҳод карда шуд.

Дар чорабинии намоиши ҳунарҳои дастӣ, аз қабили чакандӯзӣ, қуроқдӯзӣ, сабадбофӣ ва китобҳои   бадеию  илмӣ  ва  касбу  кор  ба маърази  тамошо  гузошта  шуданд.

Матни шарҳи шумо

Filtered HTML

  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <blockquote> <code> <ul> <ol> <li> <dl> <dt> <dd>
  • Lines and paragraphs break automatically.

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.
 

Суроғаи мо

вилояти Хатлон

735140  шаҳри Қӯрғонтеппа

кучаи. Айни №47

Бинои маъмурии кумитаи иҷроияи ҲХДТ дар вилояти Хатлон

 

Тамос

Email: hkhdt_khatlon@mail.ru

Tel: (83222)-2-82-92
Fax: (83222)-2-12-12

 

Релизҳо

Худро номнавис кунед ва маълумоти заруриро дар бораи ҲХДТ дастрас намоед.